Entri Populer

Senin, 20 Desember 2010

Lirik Lagu Minang Baru

BATIN MANANGIH
Cipt : Agus Taher

Rinai turun batambah rambun
Sayuik sayuik yo bansi mangalun
Tibo mandaro, raso ka putuih tali jantuang ko
Rintiak hujan, jatuah ka pipi sayuik sayuik yo bathin manangih
Malam langang ko denai diagah bayangan cinto

Dingin dingin malam ko, labiah dingin di bathin nan acok ibo
Langang langang malam ko
Labiah langang manikam suduik jantuang ko
Kama den batenggang mahapuih bayang di hati nan langang
Kama den batenggang mahapuih bayang di hati nan langang
Musik..


Rinai Pambasuah Luko
Cipt : Agus Taher

Oh Tuhan …. Ampun kan denai
Suratan diri nan den sasali, dek padiah nyo luko hati
Mimpi mimpi acok mamanciang tangih
Putih aso den raso i
Kadang kadang den batanyo ka diri
Untuak apo jantuang nan jo hati
Kadang kadang den bisiak kan ka diri
Tutuikkan pintu rindu di hati

Di lahia sajo tampak nyo sanang
Di bathin luko denai suruak kan
Mangko den acok balangang langang
Tuhan dangalah nyanyian malam (2 x)

Oh Tuhan …. Ubek kan denai buliah den tampauih ka galanggang rami
Nak den hapuih mimpi mimpi
Buruang murai lai bakicau
Ombak pun dapek manari
Tolong rinaikan hujan kok tido, den tampuang untuak pambasuah luko
Tolong rinaikan hujan kok tido, den tampuang untuak pambasuah luko

Di lahia sajo tampak nyo sanang
Di bathin luko denai suruak kan
Mangko den acok balangang langang
Tuhan dangalah nyanyian malam


TANANG TANANG MANGARAMKAN
Cipt : Agus Taher

Tanang, tanang-tanang manghayuikan di nan tanang karam juo
Tanang, tanang-tanang mangaramkan di nan tanang sansai juo

Basah basah alah kuyuik den sadari
Dingin dingin lah mangilu den sasali (2 x)

Ragam ragam ka manangih yo tapi tabang mangasan
Bialah aie mato den luluah isak den gumam
Palarian, angan angan den baok babega tabang
Bialah den tangisi bulan hilang dinan kalam
Karam dinan tanang seso nyo bakapanjangan


MAHAROK BINTANG JATUAH
Cipt : Udin BRT

Katokan lah kok adiak sabana sayang
Katokan lah kok adiak sabana cinto
Usah denai digantuang indak batali
Basarang rindu di badan denai manyeso diri

Cando maharok kan bintang jatuah ditalapak tangan
Indak ado kato cinto adiak barikan
Cando maharok kan bukik bilo ka manjadi gunuang
Indak ado kato cinto adiak barikan

Music
Manga adiak diam saribu kato
Manga adiak mambisu saribu baso
Usah denai digantuang indak batali
Basarang rindu di badan denai manyeso diri


Doa, Mande
Cipt : Facri Gani
Oh mande.. tak den takuik pandayuang patah
Sajak ketek badan lah pueh dilamun ombak
Den hadang lauik sakti rantau batuah.. oh mande
Den tahan hati rindu nan jo taragak

Tabang lah tinggi si buruang bangau
Namun suruik nyo ka kubangan juo
Bia kini den jauh di rantau
Isuak ka pulang juo

Oh .. o ..mande … tabayang kampuang jo halaman
Tolong denai oh mande kanduang tolong jo doa..
Sakik jo sanang bia denai tangguangkan ..oh mande
larek di rantau indak denai manyasa
indak denai ka manyasa


Talambek Pulang
Cip : Imran Boer

yo mande.. antah jo apo denai baleh
kami barapek mande gadangkan
jo saba hati mande adokan
bareh sagantang nan ka batanak kan
upah menuaik manumbuak padi urang

lah tibo .. maso nyo denai pulang ka kampuang
den japuik mande den baok tabang..
paubek jariah salamo ko
kini tibo masonyo kami sanang.. pambangkik lukah
salamo ko nan tabanam

liku baliku…. Jalan ka baruah.. sinan maratak si kudo bendi
janjang patah pintulah rubuah
den imbau mande.. indak babunyi..
janjang patah pintulah rubuah
den imbau mande.. indak babunyi..


SALAH PIKEK
Cipt : Imran Bahar

Cubo cubo lah denai cubo
Mamikek balam untuak pamenan
Tapi denai indak manyangko denai tapikek
Balam urang nan sadang lapeh
Balam ado urang nan punyo
Alah dapek mangko maupek …Sangkak indak menarimo

Tolong tenggang yo patenggangkan jarek tapasang di ladang urang
Gamang gamang hati den gamang manungguang ragam
Kadi ambiak hati taseso denai takuik manunguang doso
Kadi lapeh hati den ibo.. takuik balam ka taniayo

Kini hati maraso bimbang … mano jalan kadenai tapuah
Hati lah kanai tadorong sayang pikek lakek ka ba a juo
Jikok jarek dipasalahkan manga balam nan balapehkan
Mungkin sangkak lah mulai bosan mangko balam tabang


USAH DIRATOK’I
Cipt : Yusaf Rahman
Anak urang. Sikubang putiah pai ka balai hari sajo
Mamakai baju guntiang cino.. guntiang cino
Ulah rayu si daun siriah bacarai pinang jo tampuak nyo
Apo katenggang si carano… sicarano

Urang kapau pai ka ladang sarupo kodek jo bajunyo
Iyo buruak laku nyo alang … ayam tapauik di semba nyo
Urang sariak babaju ganiah pai manggaleh ka padang lua
Iyo sarik ba ayam putiah indak sikok alang manyemba

Jikok mandi denai di hulu aie nan usah adiak sauak
Di sauak usah… dikaruahi.. di karuahi

Jiko mati denai dahulu mati nan usah adiak janguak
Di janguak usah di ratok i… di ratok i..


TARAPUANG APUANG
Cipt : Rustam Raschani

Tarapuang apuang biduak den tompang
Sampan nan indak ado pandayuang
Mabuak dek untuang
Denai nan surang…Cinto den ciek babagi duo

Alah bacakak tempe jo randang
Rumik lah denai nan malarai nyo
Kasiah tatumpah ka gadih minang
Cinto tasangkuik ka gadih jawo

Tarapuang apuang biduak den tompang
Sampan tasakek nan di kualo oi urang kampuang
Tolong tenggangkan
Sayang dek mamak pamiliah juo


TARAPUANG DI LAUIK CINTO
Cipt : Mardison Chan

Baturuikkan bana kareh nyo hati
Urang balayia nan jo pincalang adiak turuik kan
Sampai hati adiak … mangungkai janji..
Katiko cinto kambang di hati Adiak lengahkan

Dimalah hati indak ka ibo kasiah tadorong adiak mahilang
Umpamo biduak indak bacadiak
Badan tarapuang di lauik cinto
Gamang nyo hati laruik paratian
Bungo ditangan nan barangguikkan
Gamang nyo hati laruik paratian
Bungo ditangan di rangguik urang

Sampai hati adiak … mangungkai janji..
Katiko cinto kambang di hati
Adiak lengahkan

SINONA
Cipt : Syamsul Ariffin

Sinona… sinona rang gadiah mantiak
Jan suko jan suko pai malala
Sinona rang gadih nan jolang gadang
Jan suko… jan suko pai batandang

Oh malala jan lah malala juo …hari lah sanjo
oh marilah … marilah kito pulang hari lah patang
Awak rancak.. budi elok baso basi.. mamikek hati

Sinona… sinona rang gadiah mantiak
Jan suko jan suko pai malala
Sinona rang gadih nan jolang gadang
Jan suko… jan suko pai batandang


SUREK Putuih
Cipt : Nuskan Syarif

Rusuah hati den kini mandapek pasan urang dari jauh
Kiro nyo surek den tarimo
Dari uda jauh nan den cinto

Den bukak surek den baco
Surek putuih malah kiro nyo
Balinang si aie mato .. kiro nyo uda alah baduo

Kini tinggalah denai surang hati nan luko
Indak kunjuang hilang


BAYANG TAMPAK JUO
Cipt : Masroel Mamudja

Lah den cubo ma ilangkan
Uda tabayang bayang juo
Lah den lampok nan jo tapak tangan
Di salo jari uda tampak juo

Dindiang den pandang uda tabayang
Den caliak loteng baitu juo
Kamalah mato ka den buang
haiii. disinan Uda tampak juo

Baitu kasih kok bagungguangan
mambuek mabuak ka badan diri
Antah den aliah ka tapak tangan… buliah den ganggam tiok hari


INDAK MANYASA
CIPT : Tarun Yusuf
Pandang lah oi adiak
Awan bararak di langik tinggi
Pasan denai ba pasan ka angin lalu oooi sayang
Pulang lah oi adiak ubek taragak nan denai nanti
Badan kasansai badan manangguang rindu

Den tahan nyawo Mamisah diri
Dek arok untuang ka tibo nan denai nanti
Ganggam lah denai jo jari adiak
Di bahu adiak lalokan denai
Uruik lah denai jo tangan adiak.. kok mati denai indak manyasa


CINTO JAN DI BALI
Cipt : Chilung Ramali

Cincin bamato di jari manih
Cincin siapo nan uda pakai
Tolong lah jawek tanyo den kini
Badan den Manahan tangih
Dagangan lah tandeh pokok lah habih
Rang lain juo nan barasaki
Kini den tahu cinto manduo nan uda tanam didalam dado
Denai disayang urang dicinto
Dek uda kayo lapeh kandak nyo

Pitih dapek dicari budi jaan dibali
Cinto kadatang juo.. ondeh yo da

Bialah rambuik samo hitam nyo
Usah samo kan den jo diri nyo
Denai tak silau dek harato
Bukan lantaran dek roman rancak
Bukan dek Silau ameh jo perak urang di jajah bakato awak
Kini lah bumi manjadi duo ombak mahampeh jadi bancano
Alun sasakik hati nan luko
Luko nan tiado paubek nyo
Kayo jaan dipanggakan
Cinto bukan dagangan tinggalah denai surang.. ondeh yo mak


CINTO TAUNGKAI
Cipt : Masroel Mamudja

Kama lah kacang nak kamangadu lah indak ka junjuangan
Cinto denai tuan lah tahu
Tapi ba a kok balengahkan

Kabek nan arek salamo ko
Kini di denai alah baungkai
Arok dek bubua ka nan tuan juo
Manga ba uleh mangko nyo singkek

bia lah nasib samalang nanko
Manga denai batingga kan
Bia kan cinto den nan sansaro
Cinto baganti jo batu mejan


DITALUAK BAYUA
Cipt : Sy Tarun Yusuf

Di taluak bayua uda den lapeh
Di sinan pulo ondeh uda denai nanti
Mimpi buruak memabuek denai arok cameh
Denai bamimpi uda bapaneh di tangah hari

Di taluak bayua denai ba manuang
Mananti kapa nan mambaok anak dagang
Raso ramuak hati nan jo jantuang
maliek uda turunlah mambimbiang urang

Ondeh uda manga co iko jadi nyo Denai ka sansaro
Bak kato janji dulu uda jo ambo
Samo mananti maso nan katibo
Nyato nyo kini uda alah baduo


SUREK DARI RANTAU
Cipt : Tarun Yusuf

Sapucuak surek den kirim manjalang uda nan surang
Babilang batuka musim lakeh lah pulang
Sapucuak surek den kirim badawaik si aie mato
Co biduak manyonsong angin denai kini ko

Kok banang manjadi tali, ba a kain nan ka jadi nyo
Oi uda sayang danga danga kan ratok denai ko
Kok badan umpamo daun urang tapacik nan di batang
Oi uda kanduang gungguanglah denai tabangkan juo

Sapucuak surek den kirim badawaik si aie mato
Co biduak manyonsong angin denai kini ko


MANGKO DENAI TAGAMANG
Cipt : Tarun Yusuf

Kok cinto uda ka ranah minang
Tapian usah tinggakan
Kok cinto uda ka denai surang
Usalah pai bajalan

Di pacik janji ganggam pituah
Sajalan kato jo sayang
Lautan sakti rantau batuah
Mangko nyo denai tagamang

Bukan nyo ragu ka alang tabang
Dek langik indak batapi
Bukan ragu ka uda sayang
Dek bumi samangkin sampik

Di pacik janji ganggam pituah
Sajalan kato jo sayang
Lautan sakti rantau batuah
Mangko nyo denai tagamang


NAN TIDO MANAHAN HATI
Cipt : Agus Taher

Bialah da hujan tangah hari
Nak nyo tumbauah si rumpuik banto
Bialah da denai surang diri kok jo ambo mungkin sansaro
Bialah da denai surang diri Kok jo ambo mungkin sansaro

Iyo.. iyo… mungkin sansaro
Iyo iyo… kok jo ambo mungkin sansaro

Santano bapisah indak denai bakaciak hati
Sajak dulu denai lah tahu mimpi mimpi ka tingga mimpi

Kayo aro balapau nasi Dingin dingin di sukarami
Alah biaso galak dinan lai Rang nan tido Manahan hati
Alah biaso galak dinan lai Rang nan tido Manahan hati
Iyo… iyo Manahan hati
Iyo … iyo rang nan tido Manahan hati…

Tidak ada komentar:

Posting Komentar